Davao Oriental — Nangatanggong ang daghang mga nagabiyahe human gibabagan sa usa ka grupo nga giila nga kang Datu Watawat, nga mas nailhan usab isip Senior Rubin, ang kalsada sa Barangay San Ignacio, Manay, Davao Oriental sa buntag sa Huwebes, Disyembre 25, 2025.
Sumala sa mga saksi, gibutangan og mga krus sa tunga sa kalsada ang maong grupo, hinungdan nga napugngan ang paglabay sa mga sakyanan ug nagresulta sa kahuot sa trapiko sa maong lugar.
Matod pa sa grupo, naningil sila og bayad gikan sa gobyerno ug sa mga motorista nga mangagi sa kalsada, kay ilang giangkon nga sila kuno ang tag-iya sa kalibutan.
Padayon pa nga gi-monitor sa mga awtoridad ang sitwasyon samtang gitan-aw ang angay nga aksyon aron maibalik ang normal nga daloy sa trapiko ug masiguro ang kaluwasan sa publiko.(Camille Santos Naraga)(Source: Contributed)