DAVAO CITY – Usa ka Barangay Kagawad ang namatay human mabangga ang iyang sinasakyan nga motorsiklo sa usa ka nakasalubong nga bus sa National Highway, Purok Upper Rambutan, Barangay Kalaisan, Kidapawan City, niadtong hapon sa Christmas Day.
Sumala sa mga saksi, paspas kaayo ang dagan sa motorsiklo sa kagawad nga si Eddie Mahilum gikan sa Barangay Nuangan, hangtud nga wala na niya makontrol ang sakyanan ug nabangga kini sa nakasalubong nga bus.
Tungod sa grabeng impact, namatay dayon si Mahilum sa lugar sa insidente. Ang atubangan sa bus napilit ug nayupi, samtang ang salamin niini nabasag usab.
Ang mga otoridad nagpadayon sa imbestigasyon aron masuta ang hinungdan sa trahedya. (Camille Santos Naraga)(Source: Contributed)