DAVAO CITY – Gipangulohan ni Governor Nelson L. Dayanghirang ang usa ka dialogue kabahin sa isyu sa pagmimina nga gipahigayon niadtong Oktubre 6, 2025 sa Kanato Hall, Subangan Tourism Complex, Mati City.
Gihisgutan atol sa panagtigom ang pagkadaut sa kapin 200 ka ektarya nga yuta tungod sa operasyon sa pagmimina ug ang epekto niini sa giplanong MACALULA Road Network Loop Project.
Gipasiugda sa gobernador ang panginahanglan sa pagpanalipod sa kinaiyahan, ilabi na tungod kay duol kini sa Mount Hamiguitan Range Wildlife Sanctuary, nga usa ka UNESCO World Heritage Site. (Camille Santos Naraga)(Source: Contributed)