DAVAO CITY – Nagsugod na ang 2025 “Walk-the-Fault” nga kalihokan sa Davao City pinaagi sa sabayang Information, Education, and Communication (IEC) campaign sa pipila ka mga barangay, lakip na ang Lacson, Wangan, Mintal, Balengaeng, ug Bago Oshiro.
Uban sa pakigtambayayong sa DOST XI, OCD XI, Kagamhanan sa Davao City, ug mga lokal nga DRRM committees, nagpahigayon ang DOST-PHIVOLCS ug mga lektura kabahin sa mga aktibong fault ug risgo sa linog. Human niini, gibutang ang mga marker sa Central Davao Fault System–Dacudao Segment nga nahimutang sa Barangay Mintal.
Ang proyekto nagtinguha nga mapalapdan ang kahibalo sa publiko bahin sa lokasyon sa mga aktibong fault aron malikayan ang pagtukod sa fault lines ug aron matabangan ang mga komunidad sa pagpangandam batok sa peligro sa linog.(Camille Santos Naraga)(Source: Contributed)