DAVAO CITY – Nalunod ang usa ka fast craft sa pantalan sa Zamboanga City bandang alas 3:00 sa kaadlawon niadtong Oktubre 7, 2025, tungod sa kusog nga hangin ug dagkong balud nga dala sa kuso-kuso.
Sumala sa inisyal nga report, nakaangkla ang maong fast craft sa pantalan sa dihang mihapak ang hangin ug mga balud, hinungdan nga mitakilid kini ug mikunhod hangtod nalunod.
Walay naangin nga kinabuhi sa insidente, ug padayon pa ang imbestigasyon sa mga otoridad aron mahibal-an ang hinungdan sa pagkalunod.
Nakaiskedyul usab ang salvage operation aron mahaw-as ang barko ug malikayan ang pagkabalda sa operasyon sa pantalan. (Camille Santos Naraga)(Source: Contributed)