DIGOS CITY, Davao del Sur – Nasikop sa mga awtoridad ang usa ka gituohang drug pusher nga nailhan sa alyas “Par” atol sa buy-bust operation nga gilusad sa Purok Sadipa, Barangay Zone II, niadtong Hunyo 11, 2026.
Ang 43-anyos nga suspek, nga giila isip Street-Level Individual (SLI) ug residente sa Abella Subdivision, Barangay Zone I, nadakpan pinaagi sa hiniusang operasyon sa City Drug Enforcement Unit (CDEU), Provincial Drug Enforcement Unit (PDEU), ug mga intelligence personnel sa 1st DSPMFC.
Nasakmit gikan sa suspek ang buy-bust item nga gituohang shabu, usa pa ka sachet nga adunay susamang substansya, buy-bust money nga nagkantidad og ₱1,000, usa ka cellphone, ug usa ka coin purse.
Sumala sa imbestigasyon, ang nakompiskang gituohang shabu adunay total nga gibug-aton nga 4.43 gramos ug gibanabana nga kantidad nga ₱30,124 base sa kasamtangang standard drug price.
Gidala ang suspek sa Digos City Police Station alang sa hustong dokumentasyon ug disposisyon, samtang giandam na sa mga awtoridad ang kasong paglapas sa Republic Act 9165 o ang Comprehensive Dangerous Drugs Act of 2002. (Camille Santos Naraga)(Source: Contributed