Gipahigayon sa Regional Project Monitoring Committee sa Department of Economy, Planning, and Development (DepDev) Region XI, uban sa mga representante sa Local Project Monitoring Committee ug City Planning and Development Office, ang field monitoring sa Calinan Depot ug Calinan Driving School isip kabahin sa pagmonitor sa implementasyon sa Davao Public Transport Modernization Project (DPTMP).
Tumong sa maong monitoring ang pag-validate sa kahimtang sa implementasyon sa proyekto, pagsubay sa progreso niini, ug pagsiguro nga mahuman ang DPTMP sa tukmang oras, sulod sa gitakdang badyet, ug makahatag sa gipaabot nga benepisyo ngadto sa publiko.
Ang Davao Public Transport Modernization Project usa sa mga nag-unang inisyatibo aron mapalambo ang sistema sa pampublikong transportasyon sa Dakbayan sa Davao pinaagi sa mas episyente, luwas, ug moderno nga serbisyo alang sa mga komyuter.(Camille Santos Naraga)(Source: Contributed)