DAVAO CITY – Gipahibalo sa City Transport and Traffic Management Office (CTTMO) ang mga kausaban sa trapiko subay sa pag-andam alang sa ika-58 nga anibersaryo sa Shrine of the Holy Infant Jesus of Prague nga ipahigayon sa Huwebes, Enero 15, 2026.
Lakip sa mga lakang ang pagpatuman sa one-way traffic gikan sa Pluto Street padulong sa ABS-CBN Compound, pag-regulate sa mga no-entry points sa C.P. Garcia Highway–Shrine Hills Road, ug pagdili sa pagparada gawas sa mga gitakdang parking areas. Pagakontrolon usab ang pagsulod sa Pluto Street padulong sa simbahan sugod alas 3:00 sa hapon.
Gina-awhag ang mga motorista ug mga deboto nga magplano daan sa ilang biyahe ug motuman sa mga traffic enforcer nga naa sa lugar. (Camille Santos Naraga)(Source: Contributed)