DAVAO CITY — Daghang motorsiklo ang nasakpan sa gipahigayon nga anti-“bora bora” operation sa City Transport and Traffic Management Office (CTTMO) sa JP Laurel Avenue, Davao City, karong gabii sa Enero 13, 2026.
Gisulong sa mga enforcer sa CTTMO ang maong operasyon aron pugngan ang illegal nga pagpatunghag saba, ilabina ang mga motorsiklong adunay open pipe ug giusab nga tambutso nga makapahinabo og kasamok sa komunidad.
Sa maong operasyon, gi-check ang mga motorsiklo nga walay hustong rehistro, walay helmet, ug adunay mga paglapas sa traffic rules and regulations. Ang mga nadakpang drayber gihatagan og citation ticket ug gipahimangnoan bahin sa kahinungdanon sa pagsunod sa balaod sa karsada.
Matud pa sa CTTMO, magpadayon ang susamang mga operasyon sa nagkalain-laing bahin sa dakbayan aron masiguro ang kalinaw ug kahusay sa trapiko, ilabina sa mga dagkong dalan sama sa JP Laurel Avenue. .(Camille Santos Naraga)(Source: Contributed)