DAVAO CITY – Gisugdan sa Commission on Elections (COMELEC) ang proseso sa ballot verification sa Almendras Gym niadtong Miyerkules, Mayo 7, aron masiguro nga husto ug lig-on ang mga balota nga gamiton sa 2025 midterm elections.
Ang mga opisyal mismo sa COMELEC ang mihimo sa maong paghiling, uban sa presensya sa election watchdogs ug mga representante sa nagkadaiyang partido pulitikal, aron masuta nga ang mga balota nagtugma sa opisyal nga listahan sa mga kandidato.
Tumong sa verification ang pagpaniguro nga limpyo ug hapsay ang proseso sa piniliay sa pagsugod sa eleksyon, ug aron walay kalibog sa pag-apod-apod niini sa mga presinto.(Camille Santos Naraga)(Source: Contributed)