Davao de Oro — Usa ka fuel tanker nga sakop sa Provincial Engineering Office (PEO) ang naaksidente sa National Highway, Km. 69, Barangay Tuboran, Mawab, Davao de Oro, bandang alas 3:35 sa hapon niadtong Huwebes, Disyembre 11, 2025.
Sumala sa MDRRMO-Mawab, gikan sa Pantukan ang maong fuel tanker ug padulong unta sa Munisipalidad sa Nabunturan sa dihang nawad-an og kontrol ang drayber. Unang mibangga ang tanker sa center island sa highway ug dayon milahos sa usa ka payag.
Gilayon nga miresponde ang MDRRMO Mawab Quick Response Team, BFP, ug PNP aron maseguro ang kaluwasan sa lugar. Wala’y gireport nga naangin nga kinabuhi sa insidente.
Nagpadayon ang koordinasyon sa MDRRMO-Mawab ug sa PEO–Davao de Oro alang sa pagtangtang sa nadisgrasya nga fuel tanker ug pagbalik sa normal nga daloy sa trapiko.(Camille Santos Naraga)(Source: Contributed)