Gipatuman na ang forced evacuation sa Sitio Kibatang pinaagi sa paningkamot sa Local Government Unit (LGU) ug sa JAS Municipal Police Station ubos sa pagpanguna ni Chief of Police (COP) Burgos.
Matod ni Mayor Jason John Joyce, una nang gipatuman ang pre-emptive evacuation sa miaging mga adlaw. Apan tungod sa nagpadayon nga hulga sa peligro sa maong lugar, gikinahanglan na ang mandatory o forced evacuation aron masiguro ang kaluwasan sa tanang residente.
Padayon ang koordinasyon sa LGU, kapulisan, ug uban pang mga ahensya aron maseguro ang hapsay nga pagbalhin sa mga apektadong pamilya ngadto sa mas luwas nga evacuation centers.(Camille Santos Naraga)(Source: Contributed)