Ta continua pa siempre consolida el Oficina del Agricultor del Ciudad (OCA), na iniciativa del jardineria comunidad pormedio el conducida de visita de seguimiento para con el Gulayan sa Bayan Project que ya implementa bajo na TUPAD program na maga distinto Barrio na Distrito del Vitali, ciudad de Zamboanga.
El actividad de escuchada (monitoring) ya acaudilla si Glenda L. Dela Rosa, Head of the Institutional Development and Building Division, junto con canda Graciella Marie San Juan, RIC Coordinator, Mr. Leo Jay P. Salazar, Corn Coordinator, y maga beneficiarios del TUPAD, para el evaluacion con el estado del communal vegetable gardens na Tigbalabag, Lower Mangusu, Inner Mangusu, Tictapul, and Tigbao.
Presentemente, con el proyecto ta beneficia el ochenta (80) miembros desde ocho Rural Improvement Clubs, donde ya funda para mejora el seguridad de comida por alenta con el sociedad para establece y mantene compartido huertos (vegetable gardes), mientras promove activo participacion na sostenible agricultor.
Mas de ece, ta subi el suministro de fresco verduras (fresh vegetables), donde ta proporciona tambien oportunidad con el maga mojeres (women), y personas mayores (senior citizens) na actividades de jardineria productivo, que puede perfecciona el nutricion del familias y crear un adicional fuente de ganancias.
Durante el visitada, el maga personajes del OCA ya evalua tambien el progreso del maga jardin, ya inspecciona con el implementacion del jardin, y ya dale orientacion tecnico con el grupo participantes.
Ta reafirma tambien el oficiales diila obligacion, para continua el regular escuchada y asistencia tecnica para asegura sale exitoso y tiene sostenibilidad el programa.
Mientras, hablando tambien el Oficina del Agricultor del Ciudad (OCA), cay esta el diila dedicacion para suporta el iniciativa del agricultura comunitario, que ta mejora con el seguridad de comestible y ta apodera con el comunidades local pormedio na sostenible produccion de verduras. (Keith Luna)