DAVAO CITY — Nadakpan sa usa ka joint drug buy-bust operation sa Philippine Drug Enforcement Agency (PDEA) Region XI, kauban ang NBI-SEMRO, Sasa Police Station 4, ug Philippine Coast Guard, ang duha ka high value targets sa Km. 13, Zone 3, Panacan, Davao City, niadtong Biyernes sa gabii, Oktubre 24, 2025.
Ang mga nadakpan giila nga sila alyas “Rabel” ug “Jerry”, nga nagkasinabot nga magbaligya og gituohang shabu sa usa ka poseur buyer nga undercover agent sa PDEA.
Sumala sa initial report sa PDEA-XI, napalitan ang mga suspek og ₱7,000 nga kantidad sa gituohang shabu atol sa operasyon. Sa mas lawom nga pagsusi, nakumpiskar gikan sa mga suspek ang 17 ka sachets nga adunay gituohang shabu nga mokantidad og ₱382,000.
Kasamtangan, giprisohan na ang duha ka mga suspek ug mag-atubang og kaso kalabot sa paglapas sa Comprehensive Dangerous Drugs Act of 2002 (Republic Act 9165).(Camille Santos Naraga)(Source: Contributed)