DAVAO CITY – Gipasidunggan sa Department of the Interior and Local Government (DILG) Region XI ang mga lungsod ug siyudad nga nagpakita og labing maayong mga inisyatibo sa digital innovation atol sa Search for Best Practices in Digital Innovations, nga gipahigayon panahon sa 2025 Philippine Local Governance Forum (PLGF) – Mindanao Island Circuit.
Gidayeg sa ahensya ang mga lokal nga pangagamhanan tungod sa ilang komitment sa paggamit sa teknolohiya aron mapaabot ang transparent, episyente, ug citizen-centered nga pagdumala, nga naghatag og maayong ehemplo alang sa ubang LGU sa rehiyon.
Gipasiugda sa DILG Region XI nga ang mga digital initiatives sa mga napasidunggan nga LGU nagpamatuod nga pinaagi sa kreatibidad ug inobasyon, posible ang makabungang kausaban sa lokal nga pagdumala ug pagserbisyo publiko. (Camille Santos Naraga)(Source: Contributed)