DAVAO CITY — Hingpit nga naabo ang duha ka balay sa Blk. 65, Lot 4, Arctic Ocean Street, Barangay Bago Aplaya, Davao City, human miulbo ang sunog bandang alas 10:07 sa buntag niadtong Disyembre 9, 2025.
Sumala sa Bureau of Fire Protection (BFP), usa ka usa-ka-palapag ug usa ka duha-ka-palapag nga balay ang naapektuhan, diin duha ka pamilya ang nawad-an og puy-anan.
Gideklarar nga fire under control ang kalayo alas 10:38 sa buntag ug fire out alas 10:58 sa buntag. Gibana-banaang moabot sa ₱4.5 milyon ang danyos. Wala’y gireport nga nasamdan o naangin nga kinabuhi.
Padayon pang gisubay sa arson investigators ang hinungdan sa pagsugod sa kalayo.(Camille Santos Naraga)(Source: COntributed)