Davao City – Nadiskubrihan sa mga operatiba sa Philippine Drug Enforcement Agency kon PDEA Region 12 ang usa ka drug den ingon man ang mga nga mga high value target sa illegal nga droga.
Giila sa kapulisan ang dinakpan nga sila, Justin Jancinal, 25 anyos, truck driver ug matadero, Joshua Releva, 19 anyos, Welder ug Acee Punla, 20 anyos.
Base sa report sa PDEA, atol sa gikasang buy bust operation aduna silay nadiskubrihan nga drug den sa Lacap Subdivision, Purok Lower Malakas, Brgy. San Isidro, General Santos City ug si Jancinal ang giingong drug den maintainer.
Nakuha atul sa operation ang balor 102,000 pesos sa gituohang shabu.
Sa karon, magatubang ang mga dinakpan sa kasong paglapas sa RA 9165 kun Comprehevsive Dangerous Drug Act of 2002. (Camille Santos Naraga)
(Source: PDEA Regional Office 12)
