DAVAO CITY – Gipahigayon niadtong Oktubre 22 sa Divine Mercy ang send-off ceremony alang sa 118 ka kabatan-onang atleta ug 28 ka coaches nga magrepresentar sa Dakbayan sa Mati sa Batang Pinoy National Youth Sports Competition nga ipahigayon sa General Santos City gikan Oktubre 25 hangtod 31, 2025.
Gipangulohan sa Mayor Joel Mayo Almario ang kalihokan ug iyang gidasig ang mga atleta, uban sa saad nga dugang premyo alang sa makadala og medalya pabalik sa Mati.
Sumala ni City Sports Development Head Patti Adaza, andam ug kumpiyansa na ang mga atleta sa pag-angkon og kadaugan para sa dakbayan.(Camille Santos Naraga)(Source: Contributed)