Aron mapalawom ang kahibalo ug pagsabot sa mga estudyante kabahin sa mga balaod nga nagpanalipod sa kababaihan ug kabataan, ang magtutudlo sa Godod National High School uban ang mga lider sa komunidad nagtambayayong alang sa usa Kapulisan, Simbahan, Barangay, Pamayanan (KASIMBAYANAN) – Ugnayan sa Paaralan nga kalihokan.
Ubos sa temang “Advocating Youth:Promoting awareness, Protection of their Rights and Welfare”, gipangulohan kini ni PCPT Charlot M. Lapiz, Assistant Chief sa PCADU, uban si PSSg Ma. Riffy C. Balingit ug mga personahe sa Godod MPS pinangulohan ni PCPT Ricky O. Acas.
Gihisgutan sa aktibidad ang mga balaod sama sa Anti-Rape Law, Anti-Trafficking Act, Anti-Child Marriage Act, ug Anti-Bullying Act, ug ang mga lakang aron malikayan ang kasamok ug bayolensya sa eskwelahan.
Pinaagi sa paghatag kahibalo sa kabatan-onan, gilauman nga kini makatabang sa pagtukod ug komunidad nga malinawon, matinahuron, ug luwas sa tanang matang sa pangabuso.(Iken B. Gullem)
Source: Zamboanga del Norte Police Provincial Office