DAVAO CITY – Gilusad sa Davao City Police Office (DCPO), pinangulohan ni Acting City Director PCOL Mannan C. Muarip, ang Pamaskong Handog 2025: Alay sa Kabataan – Year 9, aron mapadayon ang ilang paningkamot ug suporta alang sa kabatan-onan sa Davao City.
Gipahigayon kini sa DCPO Parade Ground niadtong Disyembre 1, nga gisugdan pinaagi sa pag-ampo ug panalangin ni Fr. Evan Esmade, sundan sa blessing sa mga sakyanan, gasa, ug mga personnel sa kapulisan. Kapin sa 200 ka mga bata gikan sa nagkalain-laing estasyon ang nakadawat sa Christmas gifts ug snacks. Naghatag usab ug daghang kolor sa kalihokan ang presentasyon sa Marilog Tribal Dancers ug DCPO Dancers.
Usa ka matahum ug makalingaw nga motorcade nga gisudlanan sa mga Christmas-decorated patrol vehicles ang mihuyop sa kahimayaan sa Pasko sa nagkalain-laing bahin sa siyudad.
Nagpasalamat ang DCPO sa tanang kaabag ug sponsors sa ilang suportang padayon alang sa tinuig nga Christmas outreach program.(Camille Santos Naraga)(Source: Contributed)