DAVAO CITY – Patay ang usa ka lolo human kini dunggaba sa iyang apo sulod sa ilang panimalay pasado alas 5:00 sa buntag, Disyembre 1, 2025, sa Purok 11, Sitio Camella, Barangay 9-A, San Rafael.
Base sa inisyal nga imbestigasyon sa kapulisan, nakadungog og kusog nga kasaba ang 21-anyos nga si alyas “Christine” gikan sa kwarto sa iyang lolo ug nadunggan niya ang usa ka tingog nga nangayo og tabang.
Pag-adto niya sa maong kwarto, iyang nasugat ang 27-anyos nga magulang nga igsoon nga si “Jomar” nga migawas samtang naggunit og duha ka kutsilyo, usa niini puno sa dugo.
Dali siyang midagan pagawas sa balay ug nangayo og tabang sa mga silingan ug mga barangay tanod. Nailiran nila ang suspetsado ug napahinayong napababa ang armas sa wala madugay.
Pag-abot sa mga pulis, ilang gikuha sa kustodiya si “Jomar”, samtang ang EMT sa Central 911 misulay pa og respondir apan gideklarang dead on arrival ang biktima nga iyang lolo.
Gipahibalo usab sa kapulisan nga ang suspetsado adunay kasinatian sa mental health concerns ug kapila na kining na-admit sa mental hospital. .(Camille Santos Naraga)(Source: Contributed)