DAVAO CITY – Gipanghinambog sa City Government of Davao ang bag-ong pasidungog nga nadawat sa syudad isip ikaduhang pinakaluwas nga syudad sa tibuok Pilipinas, base sa pinakabag-ong datos sa World Travel Index (WTI).
Nakakuha ang Davao City og overall safety score nga 80.73%, nga gibase sa persepsyon sa mga residente ug bisita mahitungod sa kahimtang sa kaluwasan ug seguridad sa dakbayan.
Gawas sa Davao City, apil usab sa listahan sa mga pinakaluwas nga syudad sa nasud ang mosunod: Dumaguete, Bulacan, Balanga, Lucena, Naga, Baguio, Puerto Princesa, Legazpi, ug Makati City.
Ang maong ranking gibanabana sa World Travel Index, nga gisaligan ang kasinatian sa katawhan ug mga turista sa ilang pagbiyahe ug pagpuyo sa nagkadaiyang lugar sa Pilipinas.(Camille Santos Naraga)(Source: Contributed)