DAVAO CITY – Usa ka delivery rider ang nabiktima sa giingong hold-up sa DSA Village, Balosong, Matina, Davao City niadtong Hulyo 10, 2025, pasado alas 11:45 sa buntag.
Giila ang biktima nga si alyas Ross, 24 anyos, residente sa Talomo, ug empleyado sa usa ka delivery service.
Samtang nag-deliver og parcel, gitapad siya sa duha ka lalaki nga sakay og motorsiklo, nagsul-ob og crash helmet ug itom nga bonnet. Armado ang usa kanila ug gipugos si Ross nga ihatag ang iyang mga gamit.
Human sa insidente, misibat ang mga suspek padulong sa Tahimik Avenue, Matina.
Nagpadayon ang imbestigasyon sa Davao City Police Office aron mailhan ug madakpan ang mga suspek. (Camille Santos Naraga)(Source: Contributed)