DAVAO CITY – Gihatagan og pasidungog ang City Government of Davao sa 2024 DavPrIME Awards atol sa RDC XI 4th Quarter Meeting niadtong Disyembre 3, 2025, sa Sotogrande Hotel.
Gidawat sa City Project Monitoring Committee (PMC) ang Best City PMC Award gikan sa RPMC XI tungod sa lig-on nga pamaagi sa monitoring ug dedikasyon sa kahusayan ug accountability ubos sa pagdumala ni Acting Mayor Sebastian Z. Duterte.
Dugang pa, duha ka programa sa siyudad ang nakadawat og nominasyon: ang Davao City Special Needs Intervention Center for Children (Infrastructure Category) ug ang No-Scalpel Vasectomy Program (Non-Infrastructure Category).
Gipadayag ang pagpasidungog sa Davao City ug sa mga kauban niini alang sa maong kalampusan.(Camille Santos Naraga)(Source: Contributed)