DAVAO CITY – Wa makapapahawa sa mga Dabawenyo ang kusog nga ulan kagabii, Mayo 9, 2025, sa Miting de Avance sa Hugpong sa Tawong Lungsod Party (HTLP) nga gipangulohan ni Davao City Mayor Sebastian “Baste” Duterte. Gitigum ang maong aktibidad sa Rotunda sa Roxas Avenue ug C.M. Recto—usa sa mga sentrong lugar sa siyudad.
Bisan pa sa grabe nga pag-ulan, nagpabilin ang mga sumala sa mga kandidato. Mibarog, miuyon ug misinggit sa ilang suporta samtang gipaminaw ang mensahe sa mga kandidato sa HTLP. Usa ka dakong pamatuod sa pagkahiusa ug kalig-on sa suporta sa katawhan sa ilang mga lider.
Mismo si Mayor Baste Duterte wa magpanuko nga magpadayon sa iyang pakigdayalog sa katawhan bisan basa na sa ulan. Nagpaulan siya uban sa mga supporter, nga naghatag og dakong inspirasyon sa mga tawo nga mitambong.
Ang kalihokan nagpakita sa gahum sa pagtinabangay ug sa lig-on nga pundasyon sa lokal nga partido, ilabi na sa mas duol na nga eleksyon. Usa usab kini ka pagpamatuod sa determinasyon sa mga Dabawenyo sa pagpili ug pagsuporta sa ilang mga lider nga tinuod nilang gisaligan. (Camille Santos Naraga)(Source: Contributed)