DAVAO DEL SUR — Luwas ang usa ka municipal councilor sa Hagonoy human mapakyas ang plano sa usa ka gunman nga tirahon siya gamit ang baril nga wala mibuto, sa nahitabong insidente alas-4 sa hapon, Hunyo 15.
Base sa inisyal nga imbestigasyon sa kapulisan, nagtindog ra ang konsehal sa gawas sa Barangay Hall sa Poblacion, dihang kalit nga miabot ang duha ka lalaki sakay sa motorsiklo.
Minaog ang usa sa mga suspek ug miduol sa konsehal samtang gikuptan ang usa ka gamay nga bag diin gitago ang armas. Gituyo untang pusilon ang biktima, apan pakyas nga mibuto ang armas.
Sa pagkabantay sa konsehal sa tinguha sa suspek, dali kini nga nidagan palayo. Naratol ang gunman ug midagan usab pabalik sa motorsiklo diin naghulat ang iyang kauban, dayon misibat.
Padayon pa ang imbestigasyon sa kapulisan aron matino ang pagkakilanlan sa mga suspek ug ang motibo sa pagpamasanginot.(Camille Santos Naraga)(Source: PRO 11)