DAVAO CITY– Buhi nga nakit-an sa mga miyembro sa 203rd Infantry Brigade sa Philippine Army ang Fil-American nga si Chantal Anicoche, nga unang gitaho nga kauban sa usa ka estudyante nga namatay sa engkwentro tali sa Philippine Army ug New People’s Army (NPA) niadtong Enero 1, 2026 sa Sitio Mamara, Barangay Cabacao, Abra de Ilog, Occidental Mindoro.
Sumala sa ulat sa kasundaluhan, alas 2 sa hapon niadtong Huwebes, Enero 8, natagpuan si Anicoche, 24 anyos, nga nagtago sulod sa usa ka hukay nga anaa sa gilay-on nga mga 500 metros gikan sa lugar sa engkwentro.
Si Anicoche usa ka Bachelor of Science in Psychology graduate sa University of Maryland, Baltimore County (UMBC).
Diha-diha dayon gihatagan siya og pagkaon, tubig, ug tsinelas sa mga sundalo human siya makita, ug gihatagan og unang tabang aron masiguro ang iyang kahimtangan.
Padayon pa ang pag-imbestigar sa mga otoridad aron masuta ang dugang detalye sa maong insidente.(Camille Santos Naraga)(Source: Contributed)9