Davao City – Bag-ong lider ang milingkod sa Police Regional Office (PRO) 11 sugod kagahapong adlawa, Hunyo 19, 2025, human opisyal nga ipuli si PBGen. Joseph Arguelles kang PBGen. Leon Victor Rosete.
Gikumpirma ang pagkambyo sa liderato ni PRO 11 Spokesperson PMaj. Catherine dela Rey, nga nagpasabot sa publiko sa pormal nga pagsugod sa katungdanan ni Arguelles.
Si PBGen. Arguelles maoy kanhing District Director sa Southern Police District sa National Capital Region Police Office (NCRPO), ug dala niya ang daku nga kasinatian sa pagpanguna sa operasyon ug pagpatuman sa kalinaw ug kaluwasan.
Samtang si PBGen. Rosete gitakdang madestino sa Office of the Chief PNP aron mosugod sa bag-ong responsibilidad sa mas taas nga posisyon sa PNP command.
Gilauman nga magpadayon ang mga programa ug palig-on nga kampanya batok krimen ubos sa bag-ong liderato ni Arguelles sa rehiyon.(Camille Santos Naraga)(Source: Contributed)