Arestado ang usa ka gitawag og Street Level Individual (SLI) nga nailhan lamang sa alyas “Paul” human masikop sa buy-bust operation nga gipahigayon alas 4:15 sa hapon niadtong Mayo 22, 2026 sa Purok UN, Old LTO, Barangay Central, Dakbayan sa Mati.
Gipahigayon ang operasyon ni PCPT Ariel A. Ismael, Deputy Chief of Police, ubos sa pagdumala ni PLTCOL Frederick C. Sa-ao, Acting Chief of Police, uban sa koordinasyon sa ubang ahensya sa gobyerno.
Narekober gikan sa suspetsado ang gidudahang shabu nga nagkantidad og ₱2,040.00, nga nasakmit dayon atol sa transaksyon.
Matud sa kapulisan, padayon ang ilang intel-driven operations kauban ang suporta sa komunidad aron mapugngan ang pagkatag sa ilegal nga droga ug mapalig-on ang kalinaw ug kahapsay sa Dakbayan sa Mati. .(Camille Santos Naraga)(Source: Contributed)