DAVAO CITY – Pito ka tawo ang nasamdan human magbangga ang usa ka passenger utility jeepney (PUJ) ug Mitsubishi Mirage alas 6:30 sa buntag, Biyernes, Hulyo 4, 2025, sa Maharlika Highway, Km 10, Barangay Sasa.
Gidali og transport sa Southern Philippines Medical Center (SPMC) ang mga biktima, lakip na ang drayber sa matag sakyanan.
Base sa inisyal nga imbestigasyon, nagdagan sa nagkasumpaki nga direksyon ang maong mga sakyanan—paingon sa northbound ang PUJ, samtang pa-southbound ang Mirage. Sa wala damhang panghitabo, nagkabangga ang ilang mga left portions sa atubangan nga bahin sa sakyanan, hinungdan sa maong aksidente.(Camille Santos Naraga)(Source: DCPO)