DAVAO CITY – Gihatagan og kagawasan ang 1,004 ka Persons Deprived of Liberty (PDL) sa nagkalain-laing pasilidad sa Bureau of Corrections (BuCor) karong adlawa, Biyernes, Hulyo 4, 2025
Sumala sa BuCor, ang maong pagpaggawas kabahin sa padayon nga reporma sa hustisya ug rehabilitasyon nga gisugdan ubos sa administrasyon ni Pangulong Ferdinand R. Marcos Jr. Sa kinatibuk-an, miabot na sa 24,583 ka PDL ang napagawas sukad sa pagsugod sa iyang termino.
Lakip sa mga gipagawas ang mga PDL nga nahuman na sa ilang sentensya, giabswelto sa korte, o nakabenepisyo sa good conduct time allowance (GCTA).
Ang seremonya sa pagpaggawas gitambongan sa mga opisyal sa BuCor, mga representante sa Department of Justice, ug mga kauban sa pamilya sa mga gipagawas, isip pagsaulog sa ikadugang nga higayon sa kinabuhi nga ilang nadawat.(Camille Santos Naraga)(Source: Contributed)