DAVAO CITY – Nadakpan ang 50 anyos nga si alyas “Ramil”, residente sa Rovical Village, Barangay Daliao, Toril District, Davao City, human naaktohan sa mga pulis nga nagduslit og firecracker sa pagsugat sa bag-ong tuig.
Makita sa video nga gidagan sa mga pulis ug police auxiliary sa Toril Police Station 8 ang lugar diin nila naaktohan ang suspetsado nga nagpasiga og mga firecracker.
Narekober sa kapulisan ang ebidensya nga naglakip sa mga kwitis ug tulo (3) ka baby rocket.
Giandam na sa mga pulis ang mga dokumento alang sa pagpasaka og kaso batok sa suspek tungod sa paglapas sa firecracker ban sa Davao City.(Camille Santos Naraga)(Source: Contributed)