Mabini, Davao de Oro – Luwas na sa peligro ang upat ka mga indibidwal nga nalumos samtang naligo sa dagat sa Barangay Pindasan, Mabini niadtong Mayo 1, 2025, atol sa pagsaulog sa Labor Day.
Base sa ulat sa Municipal Disaster Risk Reduction and Management Office (MDRRMO) sa Mabini, dali silang natubag sa rescue team ug giluwas ang mga biktima. Gidala dayon sila sa Davao Regional Medical Center sa Tagum City aron matambalan.
Sa maong adlaw, daghan ang nangadto sa baybayon aron magsaulog sa pista sa mga mamumuo. Tungod sa kadaghan sa tawo, gipahimangnoan ang publiko nga magmatngon ug likayan ang kalit nga paglanguy sa lalom nga parte sa dagat.(Camille Santos Naraga)(Source: Contributed)