DAVAO CITY – Nadakpan sa mga pulis ang usa ka 38 anyos nga lalaki nga nailhan sa alyas nga “Harry” human makompiska gikan kaniya ang giingong shabu ug usa ka revolver atol sa operasyon sa pag-implementar sa search warrant niadtong Huwebes sa hapon, Disyembre 18, 2025, sa Purok 8A, Barangay 31-D, Quezon Boulevard, Davao City.
Gipahigayon ang operasyon sa mga operatiba sa Santa Ana Police Station 1 base sa search warrant nga gipirmahan ni Executive Judge Rowena Apao-Adlawan sa 11th Judicial Region sa Davao City.
Sumala sa kapulisan, narekober gikan sa suspetsado ang giingong shabu nga may gibanabanang kantidad nga ₱51,680, usa ka .38 caliber nga revolver, ug duha ka bala.
Atubangon sa suspetsado ang mga kaso sa paglapas sa Comprehensive Dangerous Drugs Act of 2002 ug Comprehensive Firearms and Ammunition Regulation Act. (Camille Santos Naraga)(Source: Contributed)