DAVAO CITY – Isip kabahin sa lig-on nga paningkamot alang sa kalinaw, kahusay, ug episyenteng serbisyo publiko, pormal nga giturnover sa City Government of Davao ang dakong tabang para sa lokal nga pwersa sa pulisya niadtong Biyernes, Disyembre 19.
Ang giturnover ngadto sa Davao City Police Office (DCPO) naglangkob sa 32 ka Mobile Patrol Units aron madugangan ang visibility ug kasubsob sa patrol, 3 ka Response Vans para sa espesyal nga mga operasyon ug suporta sa logistika, 600 ka Raincoat aron masiguro nga magpabiling epektibo ang mga pulis bisan unsang kahimtangan sa panahon.
Ang maong mga mobility asset gilaraw aron mapaspas ang response time, mapalig-on ang mga paningkamot sa pagpugong sa krimen, ug mapadayon ang mas lig-on nga presensya sa pulisya sa tibuok siyudad ug sa mga utlanan niini. Nagpakita kini sa padayon nga dedikasyon sa siyudad sa pagsiguro sa mas luwas ug mas lig-on nga mga komunidad para sa tanang Dabawenyo.(Camille Santos Naraga)(Source: Contributed)