DAVAO CITY – Duha ka motorsiklo ang nagbangga sa Davao-Bukidnon Highway sa Barangay Mintal, Davao City, bandang alas 11:30 sa gabii sa Nobyembre 10, 2025, nga nagresulta sa kamatayon sa duha ka riders.
Base sa inisyal nga imbestigasyon sa Tugbok Police Station 9, nagsubay sa highway ang duha ka motorsiklo gikan sa Calinan, Davao City, padulong sa Mintal Barangay Hall.
Ang unang motorsiklo gidala ni Raymundo Cayapos Calimot, 65 anyos, taga Purok 4, Bayabas, Toril District, Davao City. Gisundan kini ni Ryan Ligod Mapa, 25 anyos, taga Purok 2, Tapay Street, Mintal, Davao City.
Sa dihang hapit na sila naka-abot sa SPED Tugbok Elementary School, aksidenteng nabangga ni Ryan ang motorsiklo ni Raymundo, ug pareho silang nahulog sa kalsada.