DAVAO CITY– Nakit-an ang usa ka Philippine Flag nga gituohang 127 ka tuig na ang panuigon sa lalawigan sa Antique.
Ang maong bandila anaa sa panimalay sa pamilya ni 2nd Lt. Ruperto Abellon, nga kaniadto mao ang second-in-command sa Visayas ilawom sa liderato ni Gen. Leandro Fullon panahon sa Philippine Revolution ug Philippine-American War.
Si Fullon ang nangulo sa expedition nga gisugo ni Gen. Emilio Aguinaldo gikan sa Luzon aron bawion ang teritoryo sa Visayas gikan sa mga mananakop nga Kastila.
Tungod sa kahinungdanon ug kasaysayan nga gibitbit sa maong bandila, nakig-alayon na ang usa ka local historian sa Antique sa National Historical Commission of the Philippines (NHCP) aron mapreserbar ug mahibal-an pa ang tibuok kasaysayan niini.
Ang bandila, simbolo sa kagawasan, nagapamatuod sa panaghiusa ug pagpakigbisog sa mga Pilipino batok sa mga kolonisador.(Camille Santos Naraga)(Source: Contributed)