SULTAN KUDARAT – Patay ang usa ka pulis nga may ranggong Police Staff Sergeant human pusila sa iyang ugangang babaye alas 10:00 sa gabii, Miyerkules, Hunyo 25, 2025, sa Barangay Poblacion, President Quirino.
Sumala sa inisyal nga imbestigasyon, nagsugod ang insidente sa panagbangi tali sa biktima ug sa iyang asawa. Nag-inilugay sila og pistola, nga sa ulahi nakuha sa asawa ug gitunol sa iyang inahan, nga kasamtangang anaa sa ilang balay atol sa panaglalis.
Milakaw ang pulis gikan sa sulod sa balay, apan gisundan siya sa iyang asawa hangtod sa ilang garahe, diin padayon pa gihapon ang ilang panaglalis.
Sa wala damha, gipusil sa inahan sa asawa ang pulis, nga naigo sa tiyan ug milapos pa sa likod.
Gidala pa ang biktima sa ospital apan gideklarang dead on arrival.(Camille Santos Naraga)(Source: Contributed)