DON MARCELINO, Davao Occidental β Usa ka lalaki nga gidudahang nalambigit sa ilegal nga droga ang nasikop sa buy-bust operation nga gipahigayon sa Sitio Cagamcam, Barangay Baluntaya niadtong Mayo 14, 2026.
Ang operasyon gihimo sa hiniusang pwersa sa PDEA Regional Office 11 pinaagi sa Davao Occidental Provincial Office, kauban ang Davao Occidental Police Provincial Office ug Don Marcelino Municipal Police Station.
Matud pa sa mga otoridad, nadakpan ang suspek nga nailhang alyas βMC LEEβ human kini nakabaligya og ginadudahang shabu nga nagkantidad og Php1,000 ngadto sa poseur buyer.
Narekober usab sa mga operatiba ang dugang lima ka sachets nga adunay gituohang shabu ug ang marked money nga gigamit sa operasyon.
Ang suspek anaa na karon sa kustodiya sa PDEA ug giatubang ang kaso kalabot sa paglapas sa Republic Act 9165 o Comprehensive Dangerous Drugs Act of 2002.(Camille Santos Naraga)(Source:PDEA11)