Usa ka tawo ang nasamdan human maaksidente ang usa ka SUV sa Sitio Lower Mesolong, Barangay Sto. Niño, hapon sa Mayo 16, 2026.
Base sa report sa Talaingod MDRRMO, ang nalambigit nga sakyanan usa ka Nissan Terra nga adunay plate number LAF-8591.
Gituohang nawad-an og kontrol ang drayber hinungdan nga misirko ug miligid ang maong sakyanan sa daplin sa dalan, sumala sa inisyal nga imbestigasyon.
Mihatud dayon og responde ang mga personnel sa Talaingod MDRRMO aron marescue ang mga pasahero ug mahatagan og tabang ang naangol nga biktima.
Padayon pa karon ang imbestigasyon sa mga otoridad aron matino ang eksaktong hinungdan sa aksidente.(Camille Santos Naraga)(Source: Talaingod MDRRMO)