Arestado ang usa ka ginatudlong drug personality human masikop sa buy-bust operation nga gihimo sa kapulisan sa Barangay New Alegria, Compostela niadtong Mayo 21, 2026.
Ang suspek nailhang si alias βYan,β nga karon nag-atubang og kasong paglapas sa Republic Act No. 9165 o ang Comprehensive Dangerous Drugs Act of 2002.
Gipahigayon ang operasyon sa Davao de Oro Police Provincial Office pinaagi sa Compostela Municipal Police Station, uban sa suporta sa Philippine Drug Enforcement Agency (PDEA) ug 1st Davao de Oro Provincial Mobile Force Company.
Matud sa kapulisan, human sa operasyon gipahibalo dayon ang suspek sa iyang mga katungod sumala sa balaod gamit ang pinulongang iyang nasabtan.
Hugot usab nga gisunod sa mga operatiba ang standard procedure sa pagdumala sa ebidensya pinaagi sa hustong pagmarka, pag-inventory, ug pagdokumento sa mga nakumpiska nga butang sa atubangan sa mga mandatory witnesses sa lugar sa insidente.
Sa pagkakaron, anaa na sa kustodiya sa Compostela Municipal Police Station ang nadakpan nga suspek uban sa mga ebidensya samtang giandam ang pagsaka sa hustong kaso batok kaniya.(Camille Santos Naraga)(Source: Contributed)