Ramdam sa mga drayber ug mga pasahero sa Davao del Sur ang epekto sa bag-ong pagtaas sa presyo sa produktong petrolyo niining semanaha. Sumala sa pipila ka mga tsuper sa jeep ug habal-habal, misaka ang ilang adlaw-adlaw nga gasto sa pasada samtang nagpabilin nga ubos ang kita.
Giingon sa pipila ka mga commuter nga naapektuhan usab ang ilang budget tungod sa dugang pamasahe ug pagtaas sa presyo sa uban pang palaliton. Tungod niini, nanawagan ang pipila ka transport groups sa posibleng ayuda o temporaryong suporta gikan sa gobyerno.
Padayon nga ginamonitor sa mga lokal nga opisyales ang sitwasyon ug nakig-coordinate sa transport sector aron maminusan ang epekto sa oil price hike sa mga residente. Gilauman nga magpabilin kining isyu samtang nagpadayon ang paglihok sa presyo sa langis sa global nga merkado. .(Camille Santos Naraga)(Source: Contributed)