Iriga City – nakatalaan soboot na dumalagan bilang Besi Alcalde kan Baao sa maabot na Eleksyon si dating Konsejal Leo Buena na mas bistado sa pangaran na “Bogs” asin pinsan ni Besi Alcalde Jose Leling Malazarte.
Iyo ini an napag-araman kan Radyo Ronda, matapos na maka-olay an magkapirang PB sa sinambit ng banwaan asin sabihon an saiyang intensyon, kasabay kan pagsabi na kuta na konsejal an saiyang dadalaganan, alagad nahaklas sa line-up sa dai maaraman na rason.
Tinaw’an kaini nin duon na habu niyang maapektaran an karera kan saiyang pinsan kaya dagos an saiyang pagdalagan sa pagigin independiente Besi Alcalde.
Inot kaini, an dating konsejal iyo kuta an pinag-nombrahan na masunod na municipal engineer kan banwaan alagad naula matapos na dai paboran ni Mayor Jeff Besenio kan Baao, Camarines Sur. (Melvin F. Barayoga, RPN DZKI Iriga OIC)