Cebu City – Kinse ka mga empleyado sa Lapu-Lapu City Hall ang nag positibo sa Covid-19 virus.
Subo nga gipahibaw ni Mayor Junard Chan ang nahisgutang hitabo.
Tungod niini, matod ni Chan kinahanglan mag suspendi sa trabaho karon Huwebes, Agusto 26, 2021.
Hinoon adunay skeletal workforce sa Biyernes, Agusto 27, 2021.
“Bag-ohay lamang ato-ang nahibaw-an, nga aduna kitay usa ka empleyado nga naka assigned sa ato-ang city hall main entrance nga nagpadayon lang gihapon og trabaho bisan bag-ohay lang kini nahuman ug swab test ug wala damha aduna diay positive result,” angkon ni Chan.
“Aron sa paglikay sa pagkatag sa virus ug pagsaka sa numero sa mga positibo, aduna kita’y pagahimuon nga mga lakang ug ato kini dapat e-implementar,” pasabot sa mayor.
Karong adlawa, Huwebes, Agusto 26, 2021, ang Disaster Risk Reduction and Management Office (DRRMO) mag disinfect sa tanang offices sa Lapu-Lapu City hall ug kinahanglang pagasirad-an sa publiko ug sa tanang empleyado ang mga opisina.
Gibutyag sa mayor nga dunay mga opisina nga operational gihapon karon ug wala’y labot sa pagsuspendi tungod off-site kini sama sa:
- DRRMO
- CTMS
- Solid Waste Management Office
- Materials Recovery Facility Office
- Office of the Hoops dome Administrator
- Office of the City Veterinarian including abattoir operations
- Office of the Market Administrator
- Lapu-Lapu City Hospital
- Sta.Rosa Community Hospital
- Lapu-Lapu Mini City Hall in Olanggo Island
- Lapu-Lapu City College
Ugmang adlawa, Biyernes, Agusto 27, 2021, tanang opisina sulod sa Lapu-Lapu City Hall mobalik pag operate apan ang mga empleyado under sa skeletal workforce kini.
Gipahibaw ni Chan nga mobalik ug fully operate sa pagserbisyo sa publiko sunod semana, Martes, Agusto 31, 2021. (Jhon Tadlip)
(News & photos courtesy of Junard Chan Facebook page)