Misalmot ang mga kabatan-on sa nagkadaiyang indigay agi’g pagsaulog sa Linggo ng Kabataan sa Dapitan 2021 nga gibuksan kagahapong adlawa kutob karung petsa 28 ning bulan sa Agosto didto sa Amphitheater, Dapitan City New Government Center.
Adunay duha ka klase sa kompetisyon ang gisalmutan sa mga kabatan-onan nga mao ang Online Competition sa photography ug short film samtang ang On the spot Competition naglangkob usab sa spoken poetry, song writing ug Doodle Art diin ang mga hurado mao sila Teffany Ubando, John Dainver Maravilla ug Dr. Jephone Yorong.
Si SK Federation President Mary Ann Rendon ang mapasalamaton sa pagsalmot sa mga kabataan nga ilang mapasundayag ang ilang tagsa-tagsa ka mga talento ug abilidad.
Asoy pa niini nga pinaagi sa giumol nga mga indigay sa Sangguniang Kabataan Federation nahatagan sa higayon ang mga kabatan-onan nga mapalig-on ang ilang pagsalig sa ilang mga kaugalingon nga maoy mahimong sumbanan sa mga mosunod nga henerasyon.
Namahayag usab si CLGOO IV Anabella Jatico sa iyang panamilit atol sa maong programa diin gikatakda nga mobalhin kini sa probinsyal nga buhatan sa DILG apan gipasalig niini nga pabilin gihapon ang iyang hugot nga pagsuporta sa mga kalihukan sa mga kabatan-onan sa dakbayan.
Si Konsehal Divine Patilano usab maoy nagpadangat sa mensahe ni Mayor Rosalina G Jalosjos isip pagdasig sa mga membro sa SK Federation diha sa pagpalambo sa ilang kapunongongan aron maaghat ang ubang mga kabataan sa syudad.
Ang tema sa selebrasyon sa Linggo ng Kabataan sa Dapitan 2021 mao ang, “Transforming food system: Youth Innovation For Human and Planetary Health”.
(Source: CITY INFORMATION DIVISION-CID-DAPITAN Facebook page)
