Dar lusot na sa Comission on Appointments

Lusot na sa Commission on Appointments (CA) si Agriculture Secretary William Dar matapos magisa ng halos tatlong oras hinggil sa kinahaharap na problema sa sektor ng agrikultura sa bansa.

Inisyal na inirekomenda ni CA member at Davao Oriental Representative Joel Alimario ang kumpirmasyon ng appointment ni Dar.

Gayunman pormal itong inirekomenda sa plenaryo ni Senador Bong Go at inaprubahan naman ng lahat ng miyembro ng Commission on Appointments.

Ilan sa mga itinanong ng mga miyembro ng CA Committee on Agriculture kay Dar ay ang mga usapin hinggil sa epekto ng rice tariffication law sa mga magsasaka, programa ng DA  para matulungan ang mga mangingisda, status ng irigasyon at iba pa. — ulat mula kay Cely Ortega-Bueno (Patrol 19)