Gipaila ang paggamit sa QR code system sa “Rice for All” Program sa Dipolog City aron mapahapsay ug mapadali ang proseso sa distribusyon sa bugas ngadto sa publiko.
Pinaagi sa maong sistema, mas organisado ang pag-identify ug pagserbisyo sa mga benepisyaryo, nga makatabang sa paglikay sa kalangay ug kalibog sa pagpalit sa bugas.
Gipadayon gihapon ang pagbaligya sa bugas sa presyong 20 pesos kada kilo ubos sa programa nga gipasiugdahan sa lokal nga pangagamhanan ug Department of Agriculture.
Sumala sa City Agriculture Office, ang paggamit sa teknolohiya sama sa QR code kabahin sa pagpaayo sa serbisyo aron masiguro ang episyente ug hapsay nga distribusyon sa barato nga bugas sa komunidad.(JENIFFER JR. DELICA)
Source: Dipolog City Government