Dapitan city, ang unang eBOSS compliant LGU sa Region IX

0
6
photo courtesy by Angelica T. Obina

Dakung dungog sa lgu Dapitan city nga gipanguluhan mismo ni Mayor Seth Frederick “Bulet” Jalosjos diin ang Dapitan city ang pinakauna nga LGU nga maoy una sa Electronic Business One Stop Shop kun eBOSS compliant LGU sa Rehiyon 9 ug ika 6 kini sa tibuok Mindanao nga aduna na niini.

Kahibaloan adunay gipahigayon nga meeting sa City Mayor’s Office Conference Room kaniadtong mayo 17 ning tuiga, inubanan sa Anti-Red Tape Authority (ARTA) Western Mindanao nga gipanguluhan Ms.Mayer Delgado ang Chief Admin Officer sa rehiyonal nga buhatan sa arta ug ingon man LGU Dapitan nga si Atty. Amalou Tumapon-Monroyo u Mr. Randy Cabasag OIC-International Audit/Services Officer, ARTA focal person.

Si Ms. Delgado ang nagkanayon nga human sa ilang gihimo nga makuting validasyon, nakuha ra sa dakbayan sa Dapitan ang maong pasidungog ug kini muy pinaka una nga LGU sa Zamboanga Peninsula.

Gikatagda nga gipahigayon ang commendation of LGU Dapitan city kagahapon (Mayo 30) inubanan ni sec. Ernesto Perez, Director General sa Anti-Red Tape Authority ug ni DILG Regional Officer Paisal Abutazil ug karong adlawa (Mayo 31), kasamtangang tuig, si Sec. Perez ang mutambong na usab sa usa ka panagtigom ang Bagong Pilipinas Town Hall Meeting nga gitambongan usab sa mga 50 ka kapitanes ug mga barangay secretarya sa Dapitan city.

Saysay pa ni City Admin. Atty. Monroyo nga una nilang gipahigayon ang electronic business permit, gapasabot nga dili na kinahanglanon pang mudangat sa city hall ang mga negosyante aron lamang sa pag apply sa business permit kun dili ipaagi nalang sa pag apply online kung ugaling maka upload na sila sa maong aplikasyon ingon man sa mga documentary requirements.

Si Atty. Monroyo Midugang sa pamahayag nga kining tanan gipangusgan sa buotang mayor sa Dapitan city nga si Mayor Seth “Bulet” Jalosjos nga mapatuman sa madaling panahon tungod kay ang tumong niya nga pinaagi ani maka imbita sila ug mga investors nga mo invest sa ilang lungsod sa Dapitan city. (Angelica T. Obina)

Leave a Reply