Sikop sa mga Kapolisan sa Zamboanga Del Norte Provincial Intelligence Unit, Dipolog City Police Station, 1st Zamboanga Del Norte Provincial Mobile Force Company ug Regional Intelligence Division 9 Sa Brgy. Sinaman, Dipolog City, sa may alas 11 ang takna sa kagabhion, Abril 28 2024.
Si Julito Dumaog Mangompit, ang gikatahong suspetsadong gunman sa pagpusil patay kang Johny Walker didto sa Calamba Misamis Occidental.Ang dinakpan gikatahong Top 1 regional level most wanted person nga adunay standing warrant of arrest sa kasong murder nga walay girekomendang pyansa, ug attempted homicide nga adunay girekomendang pyansa kantidad 36 mil pesos, nga gipagawas sa 9th Judicial Region, Branch 7, Dipolog City, penetsahan setyembre 15, 2020, attempted murder nga adunay girekomendang pyansa 120 mil pesos nga gipagawas sa 9th Judicial Region, Branch 10, Dipolog City penetsahan ug September 5, 2022, illegal possession of firearms and ammunition nga adunay girekomendang pyansa 120mil pesos nga gipagawas sa 9th judicial region, branch 6, Dipolog City penetsahan ug Nobyembre 16, 2020.
Matud pa aduna usab kiniy nagkaraiyang warrant of arrest gumikan sa kasong paglapas sa sec. 11 art. II sa R.A 9165 nga adunay girekomendang pyansa kantidad 200 mil pesos, paglapas sa sec. 12 art. II sa R.A 9165 nga adunay girekomnendang pyansa kantidad 40mil pesos nga gipagawas sa 9th Judicial Region, Branch 6, Dipolog City penetsahan ug Nobyembre 16, 2020.
Sa pagkakaron ang dinakpan ang anaa na sa mga kamot sa Dipolog City Police Station.
Si Police Brig. Gen. Boween Joey Masauding, Regional Director sa Police Regional Office Zamboanga Peninsula ang mipadayag sa iyang kalipay nga nagmalampuson sa hiniusang pagdakop sa mga kapolisan ug kini nagpamatuod nga wala nagpasagad ang atong mga kapolisan sa pagsugpo sa mga dautang tawo sa katilingban,ilabina sa pagtugis sa mga wanted persons sa probinsya. (Angelica T. Obina)
(Source: ZNPPO)