Lain na usab ang nasikop nga suspetsado pinaagi sa kamot sa otoridad human na tiktikan didto sa Purok Orchids, Barangay Poblacion North Piñan ning lalawigan sa Zanorte kaniadtong April 29 ning tuiga sa may alas 3:15 sa kahapunon.
Pinaagi sa operatiba sa PDEU nga gipanguluhan ni PCPT GIOVANNI ICALINA kinsa nakigtimbayayong sa operatiba sa Piñan Mps, 901st Regional Mobile Forces Battalion 9, RDEU9 ZN Provincial Intelligence Unit-kinsa nagpahigayon ug drug buy bust operation.
Giila ang suspetsado nga si Rene Boy Elumba Cagbabanua, 26 anyos ang pangidaron, ulitawo ug residente sa Barangay Dawo sakop sa dakbayan sa Dapitan. Ang suspetsado usa ka SLI pusher/user.
Nakuha gikan sa iyang posisyon ang usa ka gamay nga heat sealed transparent plastic sachet nga gituohang shabo isip buy bust item:
• 15 ka buok nga gamay nga heat sealed transparent plastic sachet nga gituohang shabo gikan sa iyang posisyon,
• Usa ka five hundred pesos bill nga adunay serial number WM260823 isip buy bust money,
• Usa ka buok nga kaha sa sigarilyo nga berlin nga maoy gisuldan sa druga
Gibana bana nga mokabat sa 3 grams ug makustar kini sa 20,400 ka pesos. Ang maong suspetsado ang anaa karon sa celda sa Piñan Police Station alang na sa tukmang kaso nga ipasaka batok kaniya. (Angelica T. Obina)
(Source: HISYLPALMA)
